Brüsseldə NATO-ya üzv ölkələrin müdafiə nazirlərinin iclası keçiriləcək
Bakı, 15 oktyabr, AZƏRTAC
Bu gün Brüsseldə Avropa İttifaqı və NATO-ya üzv ölkələrin müdafiə nazirlərinin iclası keçiriləcək.
AZƏRTAC xarici mediaya istinadla xəbər verir ki, toplantının əsas müzakirə mövzusu Ukraynaya silah tədarükü məsələsi olacaq.
NATO-nun Baş katibi Mark Rutte oktyabrın 13-də Lyublyanada keçirilən təşkilatın Parlament Assambleyasında çıxışı zamanı bildirib ki, Brüsseldə keçiriləcək iclasda Avropada silah istehsalının artırılması, xüsusilə pilotsuz uçuş aparatları, döyüş sursatları, uzaqmənzilli raketlər və hava hücumundan müdafiə sistemlərinin maliyyələşdirilməsi planları diqqət mərkəzində olacaq.
ABŞ-ın NATO-dakı daimi nümayəndəsi Metyu Uitakerin daha əvvəl verdiyi məlumata görə, görüş zamanı Avropa ölkələrinin “ABŞ-ın Kiyev üçün əsas silah sifarişlərini” elan etməsi gözlənilir.
Bölmənin digər xəbərləri
