Bu gün UEFA Çempionlar Liqasının ilk finalçısı müəyyənləşəcək
Bakı, 16 may, AZƏRTAC
Bu gün UEFA Çempionlar Liqasında yarımfinal mərhələsinin cavab oyunlarına start veriləcək.
AZƏRTAC xəbər verir ki, turnirin ilk finalçısı İtaliyada keçiriləcək Milan derbisində bəlli olacaq. Birinci oyunda "İnter"ə 0:2 hesabı ilə uduzan "Milan" məğlubiyyətin əvəzini çıxmağa çalışacaq.
“Cüzeppe Meatsa” stadionunda oynanılacaq qarşılaşma Bakı vaxtı ilə saat 23:00-da başlayacaq. Görüşü fransalı FIFA referisi Kleman Türpen idarə edəcək.
Qeyd edək ki, yarımfinalın digər oyununda İspaniyanın “Real Madrid” komandası İngiltərədə “Mançester Siti”nin qonağı olacaq. “Mançester Siti” - “Real Madrid” oyunu mayın 17-də keçiriləcək.
Bölmənin digər xəbərləri
