Bu günədək döyüş bölgəsindən Azərbaycanın 334, Ermənistanın isə 988 hərbçisinin meyiti çıxarılıb
Bakı, 5 yanvar, AZƏRTAC
Azərbaycan Respublikasının Prezidenti, Rusiya Federasiyasının Prezidenti və Ermənistan Respublikasının baş nazirinin imzaladıqları 2020-ci il 10 noyabr tarixli üçtərəfli Bəyanatdan irəli gələn vəzifələrdən biri döyüş bölgəsində qalmış hərbçilərin meyitlərinin ərazilərdən götürülməsidir. Bu istiqamətdə işlər Rusiya Federasiyasının sülhməramlı qüvvələrinin və Beynəlxalq Qızıl Xaç Komitəsinin vasitəçiliyi ilə həyata keçirilir.
AZƏRTAC xəbər verir ki, bunu Dövlət Komissiyasının katibi, İşçi qrupunun rəhbəri İsmayıl Axundov yanvarın 5-də Beynəlxalq Münasibətlərin Təhlili Mərkəzində keçirilən mətbuat konfransında deyib.
İsmayıl Axundov bildirib ki, proses başlayandan bu günədək döyüş bölgəsindən Azərbaycanın 334, Ermənistanın isə 988 hərbçisinin meyiti çıxarılıb. Hazırda proses davam etdirilir.
Bölmənin digər xəbərləri
