Bu həftə Türkiyənin 31 vilayətində dörd gün karantin tətbiq olunacaq
Ankara, 20 aprel, AZƏRTAC
Yeni növ koronavirus (COVID-19) infeksiyasının yayılmasının qarşısının alınması məqsədi ilə Türkiyədə aprelin 23-də yerli vaxtla saat 00:00-dan etibarən dörd gün müddətinə evdən çıxmaq qadağan olunacaq.
AZƏRTAC xəbər verir ki, bu barədə Prezident Rəcəb Tayyib Ərdoğan hökumətin iclasından sonra ölkə ictimaiyyətini məlumatlandırıb. Dövlət başçısı koronavirusla mübarizə ilə bərabər gündəlikdə olan digər mühüm məsələlərdən də danışıb.
Qeyd edək ki, Türkiyədə bu fasiləli məhdudiyyət forması üçüncü dəfədir ki, həftənin son günlərini əhatə etməklə tətbiq olunur. Aprelin 23-də Türkiyə Böyük Millət Məclisinin yaranmasının 100 illiyi qeyd olunduğu üçün Ankara, İstanbul, İzmir daxil olmaqla ölkənin 31 vilayətini əhatə edən məhdudiyyət dörd gün tətbiq olunur.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
