BU İL 70 MİN HEKTAR SAHƏYƏ ÇİYİD SƏPİLƏCƏK
Bu il Azərbaycanda 70 min hektar sahəyə çiyid səpiləcək. Son günlər havaların dəyişkən keçməsi səpini bir qədər ləngitmişdir. Kənd Təsərrüfatı Nazirliyindən AZƏRTAC-a bildirmişlər ki, hələlik 37 min 291 hektar sahəyə çiyid səpilmişdir.
Pambıqçılar, əsasən, yerli toxum sortlarından istifadə edirlər. 2004-cü ildən pambığın satınalma qiymətinin artması fermerləri bu bitkinin əkin sahələrini genişləndirməyə həvəsləndirmişdir. Emal-sənaye müəssisələri ilə fermerlər arasında 67 min 766 hektarda pambıq becərmək barədə müqavilələr imzalansa da, bu rəqəmi 70 min hektara çatdırmaq nəzərdə tutulmuşdur.
Bölmənin digər xəbərləri
