Bu il Azərbaycanda hasil edilən qazın 51,1 faizi ixrac edilib
Bakı, 13 dekabr, AZƏRTAC
Azərbaycanda neft-kondensat hasilatı 27,6 milyon ton, ixracı isə 23,1 milyon ton olub.
AZƏRTAC xəbər verir ki, bu barədə energetika naziri Pərviz Şahbazov məlumat paylaşıb.
O bildirib ki, bu dövrdə 3,6 faiz artımla hasil edilmiş 44 milyard kubmetr qazın 22,05 milyard kubmetri ixrac olunub.
“Yanvar-noyabr aylarında qaz ixracı 9 faiz artıb. Avropaya 10,85 milyard kubmetr, Türkiyəyə 8,7 milyard kubmetr, Gürcüstana isə 2,5 milyard kubmetr qaz ixrac olunub. Bu dövrdə TANAP-la Türkiyəyə 5,1 milyard kubmetr qaz nəql edilib”, - deyə məlumatda qeyd olunub.
Bölmənin digər xəbərləri
