BU İL ŞAMAXIDA BOL TAXIL İSTEHSALI PROQNOZLAŞDIRILIR
Şamaxı, 27 aprel (AZƏRTAC). Ərazi kənd təsərrüfatı idarəsi Abşeron, Qobustan, Şamaxı, İsmayıllı, Qəbələ və Ağsu rayonlarını əhatə edir. Rayonlar üzrə 2009-cu ilin məhsulu üçün 141 min 46,5 hektar sahədə payızlıq dənli bitkilər səpilmişdir. Bu, 2008-ci ildəkinə nisbətən 19 min 528,8 hektar çoxdur.
Ərazi kənd təsərrüfatı idarəsinin mütəxəssisləri bu il bölgələrdə bol taxıl istehsal ediləcəyini proqnozlaşdırırlar. İdarənin rəisi Nadir Qədirov bildirmişdir ki, əməkdaşlarımız rayonlarda yerli mütəxəssislərlə birgə çalışır, taxılçılıqla məşğul olan fermerlərə, eləcə də fiziki şəxslərə lazımi kömək göstərirlər. Aqrotexniki tədbirlərə kifayət qədər texnika cəlb olunmuşdur. Hələlik 35 min hektardan çox sahəyə yemləmə gübrəsi verilmiş, 38 min hektaradək sahəyə herbisid çilənmişdir.
Bölmənin digər xəbərləri
