BU İL YAPONİYADA DOĞUMUN SƏVİYYƏSİ AŞAĞI DÜŞMÜŞDÜR
Səhiyyə, Əmək və Rifah Nazirliyinin illik hesabatında deyilir ki, bu, 2003-2004-cü illərin göstəricisindən xeyli aşağıdır. Yaponiya əhalisi İkinci Dünya müharibəsi başa çatdıqdan sonra ilk dəfə olaraq, 2005-ci ildə 19 min nəfər azalmış və oktyabrın 1-nə 127 milyon 757 min nəfər təşkil etmişdir.
Statistik tədqiqatların nəticələri göstərmişdir ki, doğumun aşağı düşməsinin səbəbi, əsasən, iqtisadi xarakter daşıyır. Gənc ailələrin əksəriyyəti hesab edir ki, uşağın tərbiyəsi çoxlu xərc tələb edir, onlar isə iqtisadi vəziyyətlərinin sabitliyinə əmin deyillər.
Ölkədə əhalinin qocalması prosesi də sürətlənmişdir. Nazirliyin məlumatına görə, 2025-ci ilədək sosial təminata ehtiyacı olan 65 yaşından yuxarı əhalinin sayı indiki 13 faizdən 19 faizədək artacaq, onlara xərclənəcək vəsait isə 78 trilyon yendən (təxminən 750 milyard dollar) 155 trilyon yenədək (təxminən 1,2 trilyon dollar) çoxalacaqdır.
Bölmənin digər xəbərləri
