Bu ilin 9 ayında pensiya ödənişlərinə yönəldilən vəsaitin miqdarı açıqlanıb
Bakı, 13 oktyabr, AZƏRTAC
Bu ilin yanvar-sentyabr aylarında pensiya ödənişlərinə ötən ilin müvafiq dövrünə nisbətən 10 faiz (467 milyon manat) çox olmaqla 5 milyard 326 milyon manat vəsait yönəldilib.
Bu barədə AZƏRTAC-a Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən məlumat verilib.
Bildirilib ki, 2025-ci ilin əvvəlindən bütün növ pensiyaların 8,1 faiz indeksləşdirilərək artırılması, fevralın 1-dən minimum pensiyanın 14,3 faiz artımla 280 manatdan 320 manata çatdırılması təmin edilib.
Yanvar-sentyabr aylarında 33 min, elektron pensiya təyinatına başlandığı 2019-cu ilin əvvəlindən 171 min pensiya təyinatı e-sistem üzərindən proaktiv qaydada həyata keçirilib.
Bölmənin digər xəbərləri
