BÜDCƏ PROQNOZLARI ARTIQLAMASI İLƏ YERİNƏ YETİRİLMİŞDİR
Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, iqtisadiyyatın dinamik inkişafı və ölkədə həyata keçirilən səmərəli vergi siyasəti nəticəsində 2004-cü ildə əksər vergi və tədiyyə növlərinin dövlət büdcəsinə artıqlaması ilə ödənilməsi təmin edilmişdir.
Nazirliyin İqtisadi Təhlil və Uçotun Təşkili İdarəsinin məlumatına görə, ötən ilin yekunları üzrə vergi daxilolmaları proqnozu 102,6 faiz icra olunmuşdur. Ötən il dövlət büdcəsinə 5 trilyon 26,1 milyard manat vəsaitin ödənilməsi təmin edilib ki, bu da nəzərdə tutulandan 126,1 milyard manat çoxdur.
Ötən il əksər vergi və rüsumlar üzrə faktiki daxilolmalar proqnozu üstələyib. Məsələn, fiziki şəxslərdən gəlir vergisi üzrə proqnoz 131,9 faiz, dövlət rüsumu üzrə 112,4 faiz, sadələşdirilmiş vergi üzrə 102,4 faiz, aksizlər üzrə 102,2 faiz, birdəfəlik rüsum üzrə 101,8 faiz, torpaq vergisi üzrə 101,1 faiz, əmlak vergisi üzrə isə 100,6 faiz yerinə yetirilmişdir.
Bölmənin digər xəbərləri
