Bundesliqa: “Bayer Leverkuzen” - “Bavariya” oyununda hesab açılmayıb
Berlin, 16 fevral, AZƏRTAC
Bundesliqanın 22-ci turunun mərkəzi qarşılaşması çempionatın zirvəsində qərarlaşan komandalar - “Bavariya” ilə “Bayer Leverkuzen” arasında keçirilib.
AZƏRTAC xəbər verir ki, Leverkuzendə maraqlı idman mübarizəsi şəraitində keçən görüşdə qapılara qol vurulmayıb - 0:0. Bu hesabdan sonra lider “Bavariya” xallarının sayını 55-ə çatdırıb. Ondan bir xal geri qalan “Borussiya Dortmund”un hesabında 47 xal var.
Turun bu gün oynanılan digər görüşlərində aşağıdakı hesablar qeydə alınıb:
“Ştutqart” - “Volfsburq” - 1:2
“Union Berlin” - “Münxenqladbax” - 1:2
“Boxum” - “Borussiya Dortmund” - 2:0
“St Pauli” - “Frayburq” - 0:1.
Qeyd edək ki, bu turun ötən gün baş tutan ilk oyununda “Auqsburq” ev oyununda “Leyptsiq” ilə qolsuz heç-heçə edib.
Tura fevralın 17-də keçiriləcək aşağıdakı görüşlərlə yekun vurulacaq:
“Verder Bremen” - “Hoffenhaym”, “Ayntraxt Frankfurt” - “Holştayn Kiel”, “Haydenhaym” - “Maynts”.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
