Buraxılış imtahanına qatılacaq şagirdlər “buraxılış vərəqə”lərini çap edə bilərlər
Bakı, 4 iyun, AZƏRTAC
İyunun 21-də Bakı, Şirvan, Naxçıvan Muxtar Respublikasının ümumtəhsil müəssisələrinin məzunları üçün ümumi və tam orta təhsil səviyyəsi üzrə (9-cu və 11-ci sinif) buraxılış imtahanı keçiriləcək.
Dövlət İmtahan Mərkəzindən (DİM) AZƏRTAC-a bildirilib ki, buraxılış imtahanında iştirak edəcək şagirdlər imtahana “buraxılış vərəqə”lərini http://eservices.dim.gov.az/sagirdBV/ keçidindən çap edə bilərlər. Eyni zamanda, təhsil müəssisələrinin bütün şagirdlərin imtahana buraxılış vərəqələrini də həmin keçiddən çap etdirməsi mümkündür. Çap üçün kompüterə “Adobe Reader” proqramı quraşdırılmalı və brauzerin “Pop-up blocked” sahəsindən “qeyd” işarəsi götürülməlidir.
Şəxsiyyəti təsdiqləyən sənədində şəkli olmayan şagirdlərə buraxılış imtahanı üçün arayışı DİM-in saytından yükləmək mümkündür.
Bölmənin digər xəbərləri
