BUŞ ƏBU-QREYB HADİSƏLƏRİNİ ABŞ-IN İRAQDAKI ƏN BÖYÜK SƏHVİ ADLANDIRMIŞDIR

27.05.2006 [18:54]
Çap et
A⁺ A^-

AZƏRTAC Frans Press agentliyinə istinadla xəbər verir ki, ABŞ Prezidenti Corc Buş İraqın Əbu-Qreyb həbsxanasında Amerika hərbçilərinin məhbusları təhqir etmələrini Birləşmiş Ştatların bu ölkədə ən böyük səhvi adlandırmışdır. O, Böyük Britaniyanın Baş naziri Toni Bleyerlə ilə görüşündən sonra jurnalistlərə demişdir: “Zənnimcə, indiyədək ölkəmizin iştirakı ilə yol verilmiş ən böyük səhv Əbu-Qreybdir. Biz bu səhvin altını hələ çox çəkirik”. Buş onu da bildirmişdir ki, İraqa hərbi müdaxilə zamanı özünün bəzi sərt fikirlərinə görə də təəssüflənir.

Bleyer isə, öz növbəsində, İraq müharibəsi ərzində ən böyük səhvi beynəlxalq koalisiyanın Səddam Hüseyn rejimi devrildikdən sonra BƏƏS partiyası tərəfdarlarının hakimiyyətdən uzaqlaşdırılması xəttində görür.

ABŞ Prezidenti İraqın yeni hökuməti yaradıldıqdan sonra Amerika qoşunlarının bu ölkədən çıxarılması müddətini açıqlamaqdan boyun qaçırmışdır. O demişdir: “Biz İraqda qələbə üçün zəruri kontingent saxlayacağıq”. Buş bildirmişdir ki, Amerika qoşunlarının İraqdan çıxarılması bu ölkənin silahlı qüvvələrinin təhlükəsizliyin təmin edilməsi vəzifəsini tam şəkildə üzərinə götürdükdən sonra başlanacaqdır.

BUŞ ƏBU-QREYB HADİSƏLƏRİNİ ABŞ-IN İRAQDAKI ƏN BÖYÜK SƏHVİ ADLANDIRMIŞDIR

MÜƏLLİFLƏ ƏLAQƏ

Bölmənin digər xəbərləri