BVF TÜRKİYƏYƏ NÖVBƏTİ KREDİT AYIRMIŞDIR
AZƏRTAC-ın Vaşinqtondan aldığı xəbərdə deyilir ki, Beynəlxalq Valyuta Fondu (BVF) Türkiyəyə təxminən 495 milyon dollar məbləğində növbəti kredit tranşı ayırmışdır. BVF eyni zamanda Ankara ilə əməkdaşlığa dair üst-üstə 18,6 milyard dəyərində proqramın müddətini gələn ilin fevralınadək uzatmışdır. Türkiyə həmin proqram çərçivəsində hələlik təqribən 16,2 milyard dollar almışdır. Bu pul Türkiyə hökumətinin milli iqtisadiyyatı böhrandan çıxarmaq səylərinin dəstəklənməsi üçün ayrılmışdır.
Növbəti kredit əvvəlcədən razılaşdırılmış proqram tələblərini Ankaranın tam yerinə yetirməməsi ilə əlaqədar istisna kimi verilmişdir. Buna baxmayaraq, BVF-nin sərəncamçı direktoru vəzifəsinin icraçısı xanım Enn Kriger öz bəyanatında Türkiyə hökumətinin iqtisadi siyasətini yüksək qiymətləndirmişdir.
Bölmənin digər xəbərləri
