“Caspian Oil & Gas” sərgisində biz öz innovasiyalı texnologiyamızı təqdim edirik
Bakı, 6 iyun (AZƏRTAC, Nihat Budaqov). Bu cür sərgilər öz statusu və nüfuzu baxımından biznesin inkişafına yaxından kömək edir. Belə ki, burada əsas və həlledici subyektlər, ictimai əlaqələr üzrə bölmələrin rəhbərləri və texniki mütəxəssislər təmsil olunurlar və onlar məhsullarla əyani surətdə tanış olmaq imkanı qazanırlar.
Bu sözləri XXI Beynəlxalq Xəzər neft və qaz sərgisinin iştirakçısı olan “SVAP BT” şirkətinin inkişaf üzrə direktoru Boris Zimarev AZƏRTAC-a müsahibəsində demişdir.
O qeyd etmişdir ki, şirkət borular və boru sistemləri üçün qoruyucu örtüklər, eləcə də kompleks inşaat və layihələndirmə seqmentində təmsil olunur. Bakıdakı sərgidə isə biz öz innovasiyalı mühafizə texnologiyamızı - “ZUB” (QUBÖ - qoruyucu universal beton örtük) brendini təqdim edirik. Örtüyün bu növü öz qoruyucu xassələrinə görə innovasiyalı və qabaqcıldır.
Biz sərgidə ilk dəfə təmsil olunuruq və boru sistemləri üçün perspektivli məkanı kimi, Azərbaycan bazarına böyük ümidlər bəsləyirik. Əminik ki, hazırda Xəzər sektorunda həyata keçirilən bir çox layihədə istifadə olunan qabaqcıl texnologiyaları fəal surətdə tətbiq etməyin vaxtı çatmışdır.
Bölmənin digər xəbərləri
