Cəlilabadda atın avtomobilin qarşısına çıxması qəzaya səbəb olub, sürücü xəsarət alıb
Cəlilabad, 4 noyabr, İlkin Adıyev, AZƏRTAC
Cəlilabad rayonunda atın avtomobilin qarşına çıxması qəza ilə nəticələnib.
AZƏRTAC-ın bölgə müxbiri xəbər verir ki, hadisə köhnə Ələt-Astara magistralında baş verib.
Belə ki, sahədən çıxan at Cəlilabad rayonunun Maşlıq kənd sakini, 1978-ci il təvəllüdlü Anar Maşallah oğlu Bədəlovun idarə etdiyi "VAZ-2107" markalı nəqliyyat vasitəsinə çırpılıb.
Nəticədə həmin avtomobil idarəetmədən çıxaraq Yasin Yusif oğlu Nəsirovun idarə etdiyi ağır tonajlı nəqliyyat vasitəsinə çırpılıb.
Qəza zamanı at ölüb, sürücü A.Bədəlov müxtəlif dərəcəli bədən xəsarətləri alıb.
Faktla bağlı araşdırma aparılır.
Bölmənin digər xəbərləri
