CƏLİLABADDA REGİONAL LOGİSTİK BAZANIN TİKİLMƏSİ NƏZƏRDƏ TUTULMUŞDUR
Bakı, 14 fevral (AZƏRTAC). “Aqrolizinq” ASC Cəlilabad rayonunda mineral gübrələrin saxlanması və paylanması üçün regional logistik bazanın tikintisi üzrə tender keçirir.
Tender Komissiyasından verilən məlumata görə, müsabiqədə qalib gələcək şirkət tikinti-quraşdırma işlərini müqavilə bağlandıqdan sonra 150 gündə təhvil verməlidir.
Təkliflərin qiymətləndirilməsi zamanı aşağı qiymət, tikinti işləri və istifadə olunan materialların standartlara uyğunluğu, keyfiyyətə bir il zəmanət barədə öhdəlik təqdim edənlərə üstünlük veriləcəkdir.
Müsabiqədə iştirak haqqı 1000 manatdır. İddiaçılar tenderdə iştirak üçün sənədlərini bu il aprelin 1-dək, tender təklifi və bank təminatını isə aprelin 8-dək “Aqrolizinq” ASC-yə təqdim etməlidirlər. Tender zərfləri aprelin 9-da açılacaqdır.
Bölmənin digər xəbərləri
