CƏNUBİ QAFQAZDAKI MÜNAQİŞƏLƏR REGİONAL TƏHLÜKƏSİZLİYƏ VƏ LAYİHƏLƏRƏ TƏHDİDDİR
AZƏRTAC xəbər verir ki, sentyabrın 1-də xarici işlər naziri Elmar Məmmədyarov ATƏT Parlament Assambleyası sədrinin Dağlıq Qarabağ münaqişəsi üzrə xüsusi nümayəndəsi Qoran Lennmarker ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, Cənubi Qafqaz bölgəsində baş vermiş son hadisələrlə bağlı narahatçılığını ifadə edən qonaq, Avropanın da diqqətinin hazırda regiona yönəldiyini və sabitliyin tezliklə bərpa olunmasında yardımçı olmaq üçün mövcud şəraitin qiymətləndirilməsinə çalışdığını bildirmişdir.
Nazir E.Məmmədyarov da mövcud münaqişələrin regional təhlükəsizliyə və layihələrə təhdid olduğunu vurğulayaraq, sülhün uzun müddətli və davamlı olması üçün münaqişələrin həllinin beynəlxalq hüquqa əsaslanan yolunu zəruri saymışdır.
Nazir, həmçinin Ermənistan-Azərbaycan, Dağlıq Qarabağ münaqişəsinə toxunaraq, problemin yalnız Azərbaycanın ərazi bütövlüyü çərçivəsində həllinin mümkün olduğunu və Avropanın heç bir zaman işğal faktını qəbul etməyəcəyində əminliyini ifadə etmişdir.
Görüşdə regional məsələlərə dair geniş fikir mübadiləsi aparılmışdır.
Bölmənin digər xəbərləri
