Cənubi və Qərbi Avropada elektrik şəbəkələrinin fəaliyyətində genişmiqyaslı nasazlıq baş verib
Bakı, 29 aprel, AZƏRTAC
İspaniya və Portuqaliyada elektrik şəbəkələrinin fəaliyyətində genişmiqyaslı nasazlıq baş verib.
AZƏRTAC xarici mediaya istinadla xəbər verir ki, milyonlarla abonent işıqsız qalıb, nəqliyyat və rabitə sistemlərinin fəaliyyətində fasilələr müşahidə olunub.
Elektrik təchizatının kəsilməsi İspaniya və Portuqaliyanın bütün ərazisində qeydə alınıb. Elektrik şəbəkəsində problemlər Andorra və İspaniya ilə sərhəd Fransa departamentlərində də müşahidə olunub.
“Financial Times” qəzeti elektrik şəbəkəsi operatorlarına istinadən xəbər verir ki, İspaniya və Portuqaliyanın enerji sistemində güc itkisi 10 QVt-dan çox olub.
“Euronews”un məlumatına görə, elektrik təchizatındakı nasazlıq metropolitenin, dəmiryolunun və hava limanlarının da fəaliyyətinə təsir edib.
Bölmənin digər xəbərləri
