Cəzaçəkmə müəssisəsinə narkotik maddə keçirilməsi cəhdinin qarşısı alınıb
Bakı, 10 fevral, AZƏRTAC
Penitensiar Xidmətin müalicə müəssisəsinə narkotik maddə keçirilməsi cəhdinin qarşısı əməliyyat-axtarış tədbirləri nəticəsində alınıb.
Xidmətin ictimaiyyətlə əlaqələr şöbəsindən AZƏRTAC-a bildiriblər ki, Cinayət Məcəlləsinin 234.4.1-ci, 234.4.3-cü, 317-2.1-ci, 66.3-cü, 67.1-ci maddələrinə əsasən 13 il müddətinə azadlıqdan məhrum edilmiş məhkum Kazımov Nicat Əlirza oğlu ilə qısamüddətli görüşə gəlmiş qohumu Bakı şəhər sakini Quliyev Fərid Novruz oğlunun üzərinə baxış keçirilən zaman əynindəki cins şalvarın iç tərəfində xüsusi üsulla tikilərək hazırlanmış saxlanc yerində gizlədilmiş bükülüdə 0,738 qram marixuana aşkar edilib.
Faktla bağlı araşdırma aparılır.
Bölmənin digər xəbərləri
