Çalınsın Vətəndə qələbə marşı!
Bakı, 24 avqust, AZƏRTAC
Bakı Şəhər Mədəniyyət Baş İdarəsi Xətai rayon Mərkəzləşdirilmiş Kitabxana Sisteminin "Çalınsın Vətəndə qələbə marşı" adı ilə keçirdiyi onlayn tədbir Cəbrayıl və Füzuli rayonlarının erməni hərbi birləşmələri tərəfindən işğala məruz qalmasına həsr olunub.
AZƏRTAC xəbər verir ki, öncə Vətənimiz uğrunda canından keçən bütün şəhidlərin əbədi xatirəsi dərin ehtiramla anılıb.
Tədbirdə çıxış edənlər torpaqlarımızın düşmən tərəfindən işğal edilməsini təəssüf və kədər hissi ilə qeyd edərək, 1990-cı illərdə Qarabağ uğrunda gedən mübarizədə yerli sakinlərdən ibarət könüllü özünümüdafiə dəstələrinin düşmənə qarşı müqavimətindən danışıblar.
İştirakçılar dövlətimizin apardığı siyasət sayəsində torpaqlarımızın azad olunacağına inandıqlarını bildirib, Qələbəyə inamlarını ifadə ediblər.
Bölmənin digər xəbərləri
