ÇƏLƏBİNİN HƏBS OLUNMASI ÜÇÜN ORDER VERİLMİŞDİR

09.08.2004 [13:31]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, amerikalılar tərəfindən təyin edilmiş iraqlı hakim bildirmişdir ki, ölkənin tanınmış siyasətçisi Əhməd Çələbinin və onun qardaşı oğlu Səlim Çələbinin həbs olunması üçün order verilmişdir.

Hazırda Səlim Çələbi ölkənin keçmiş diktatoru Səddam Hüseynin işinə baxan tribunala başçılıq edir.

Hakim Zühair Maliki demişdir ki, Əhməd Çələbi saxta pul hazırlamaqda şübhəli bilindiyi üçün onun həbsinə order verilmişdir. Səlim Çələbiyə gəldikdə isə, o, adam öldürməkdə ittiham olunur.

Əhməd Çələbi Amerikanın Si-En-En teleşirkətinə verdiyi müsahibədə bildirmişdir ki, o, bundan hiddətlənmişdir və ona qarşı irəli sürülən bütün ittihamların götürülməsi uğrunda mübarizə aparmaq niyyətindədir.

Əhməd Çələbi lap bu yaxınlaradək ABŞ Müdafiə Nazirliyində İraq lideri roluna əsas namizəd sayılırdı.