Çexiyanın Baş naziri: Avropa öz müdafiəsi ilə bağlı daha çox narahat olmalıdır
Bakı, 20 fevral, AZƏRTAC
Avropa İttifaqı və NATO ölkələri liderlərinin Parisdə keçirilən görüşünün nəticələri göstərir ki, Avropa öz müdafiəsinə daha çox vəsait ayırmalıdır.
AZƏRTAC xəbər verir ki, bunu Çexiyanın Baş naziri Petr Fiala deyib.
O, Avropanın müdafiə sahəsində daha çox sərmayə qoymalı olduğunu bildirib. Onun sözlərinə görə, son dövrlərdəki yeni qlobal vəziyyətə cavab olaraq Avropa daha güclü olmalı və öz müdafiəsinə daha çox vəsait ayırmalıdır. O, həm milli, həm də Avropa səviyyəsində təhlükəsizlik və müdafiə büdcələrinin artırılmasının vacibliyini vurğulayıb. Fiala əlavə edib ki, Avropa bu məsələyə uzun müddət laqeyd yanaşıb və indi bu vəziyyətin dəyişməsi vaxtıdır.
Bölmənin digər xəbərləri
