Çilidə meşə yanğınları qurbanlarının sayı 120 nəfəri ötüb
Bakı, 5 fevral, AZƏRTAC
Çilinin Valparaiso bölgəsində baş verən meşə yanğınları nəticəsində ölənlərin sayı 120 nəfəri ötüb.
AZƏRTAC Çilinin Tibbi Ekspertiza Xidmətinin məlumatına əsasən xəbər verir ki, yanğınsöndürənlər Çilinin mərkəzindəki bütün məhəllələrdə şiddətli meşə yanğınlarını söndürmək üçün mübarizə aparırlar.
Prezident Qabriel Boric isə ölkənin "çox genişmiqyaslı faciə" ilə üz-üzə qalacağı barədə xəbərdarlıq edib. Rəsmilər, meşə yanğınları nəticəsində ölənlərin sayının artmaqda davam edəcəyini ehtimal edirlər.
Məlumatda qeyd olunub ki, yüzlərlə itkin düşmüş insanlar var və onların axtarışı davam edir.
Qeyd edək ki, fevralın 2-də Prezident yanğınlarla əlaqədar Valparaisoda fövqəladə vəziyyət elan edib. Bundan əlavə, yanğınsöndürənlərin sərbəst hərəkətini təmin etmək üçün rayon ərazisində saat 08:00-dan 12:00-dək komendant saatı tətbiq olunub. Dövlət qurumlarının məlumatına görə, alov 40 min hektardan çox ərazini əhatə edib.
Bölmənin digər xəbərləri
