ÇİN MAO SZEDUNUN PORTRETİNİN SATIŞINI DAYANDIRMIŞDIR

27.05.2006 [19:02]
Çap et
A⁺ A^-

AZƏRTAC xəbər verir ki, “Nyu-York Tayms” qəzetinin yazdığına görə, Pekindəki “Huachen Auctions” hərrac evi internet istifadəçilərinin kütləvi etirazları nəticəsində Mao Szedunun məşhur portretini hərracdan çıxarmışdır. Tarixi portreti satışa iyunun 3-də çıxarmaq nəzərdə tutulurdu. Onun ilkin dəyəri təxminən 120 min dollar idi.

ÇXR lideri portretin hərraca çıxarılacağı açıqlandıqdan sonra minlərlə adam müxtəlif forumlarda tablonu hərracdan çıxarmağı tələb etmişdir, çünki, onların fikrincə, portret tarixi irsdir.

İctimaiyyəti həyəcanlandıran portret 1950-1960-ci illərdə rəssam Çjan Çjenşi tərəfindən çəkilmişdir. Onun məşhur surətlərindən biri Pekindəki Tyananmen meydanında asılmışdır. Portretin əsli hazırda Çin-Amerika mənşəli şəxsə məxsusdur. O, etiraz dalğasından sonra portreti Çin muzeylərindən birinə satmaq, yaxud bağışlamaq üçün danışıqlara başlamışdır.

ÇİN MAO SZEDUNUN PORTRETİNİN SATIŞINI DAYANDIRMIŞDIR

MÜƏLLİFLƏ ƏLAQƏ

Bölmənin digər xəbərləri