Çin ürək qüsurlu qırğız uşaqlarını müalicə edəcək
Bakı, 30 iyun, AZƏRTAC
Qırğızıstan və Çin anadangəlmə ürək qüsurlu uşaqların yüksək texnologiyalı tibbi müalicəsini nəzərdə tutan "Xeyirxah Səyahət" adlı birgə layihəyə start verir.
AZƏRTAC Qırğızıstanın “Kabar” informasiya agentliyinə istinadla xəbər verir ki, layihə ilə bağlı sazişi ölkənin səhiyyə nazirinin müavini Bakıtbek Kadırəliyev və Çin Milli Səhiyyə Komissiyasının sədr müavini Çjen Çje imzalayıblar.
Layihə çərçivəsində Qırğızıstandan olan uşaqlar mürəkkəb ürək əməliyyatları üçün müasir tibbi xidmətlərdən yararlana biləcəklər. Təşəbbüs, həmçinin iki ölkənin tibb müəssisələri arasında təcrübə mübadiləsini, mütəxəssis hazırlığını və innovativ tibbi texnologiyaların tətbiqini genişləndirməyi hədəfləyir.
Qırğızıstan nümayəndə heyəti səfər zamanı Çinin aparıcı ixtisaslaşmış tibb müəssisələrində də görüşlər keçirərək ürək cərrahiyyəsi, neyrocərrahiyyə və birgə elmi-tədqiqat sahələrində əməkdaşlıq perspektivlərini müzakirə edib.
Bölmənin digər xəbərləri
