Çində “Tiangong” adlı robot Pekin robot-insan yarımarafonunun qalibi olub VİDEO

19.04.2025 [12:32]
Çap et
A⁺ A^-

Pekin, 19 aprel, AZƏRTAC

Dünyada insanabənzər robotların iştirakı ilə Çində keçirilən ilk yarımarafonun qalibi “Tiangong” adlı robot olub.

AZƏRTAC xəbər verir ki, marafonda tədqiqat mərkəzlərinin istehsalı olan 21 robot 21 kilometr məsafədən ibarət yarımarafonda insanlarla birlikdə iştirak edib. Robotlar sabit qaçış nümayiş etdirsələr də, onların hamısı finiş xəttinə çata bilməyib. “Tiangong” isə 2 saat 40 dəqiqə 42 saniyə göstərici ilə birinci olub.

Yarımarafon süni intellekt və insanabənzər robototexnikanın inkişafında mühüm mərhələni nümayiş etdirir.

Şahin Cəfərov

AZƏRTAC-ın xüsusi müxbiri

Pekin