Çində tornado insan tələfatına səbəb olub VİDEO
Pekin, 21 iyul, AZƏRTAC
Çinin Ciansu vilayətində sürəti saniyədə 61,2 metrə çatan tornado bir nəfərin ölümünə, 25 nəfərin xəsarət almasına səbəb olub.
AZƏRTAC xəbər verir ki, Lienyünqan şəhərinin Qüənyün rayonunda baş verən tornado infrastruktura, o cümlədən elektrik xətlərinə, fərdi tikililərə xeyli ziyan vurub.
Təbii fəlakətdən ümumilikdə 2200 nəfər ziyan çəkib.
Vilayətin Yənçen şəhərində isə sürəti saniyədə 20,7 metrə çatan tornado qeydə alınıb.
Bundan başqa, şiddətli yağışlar şəhərdə əkin sahələrinə və tikililərə ziyan vurub, 5800 evin elektrik təchizatında fasilələr yaranıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
