ÇİNGİZ HÜSEYNZADƏ AVROPA OLİMPİYA KOMİTƏSİNİN 35-Cİ BAŞ MƏCLİSİNİN İCLASINDA İŞTİRAK EDƏCƏKDİR
Milli Olimpiya Komitəsindən AZƏRTAC-a verilən məlumata görə, dekabrın 8-9-da Brüsseldə Avropa Olimpiya Komitəsinin (AOK) 35-ci Baş Məclisinin iclası keçiriləcəkdir. Azərbaycanı tədbirdə Milli Olimpiya Komitəsinin vitse-prezidenti Çingiz Hüseynzadə təmsil edəcəkdir. 35-ci Baş Məclisdə diqqət mərkəzində olacaq əsas məsələlərdən biri AOK-un yeni nizamnaməsi ilə bağlıdır. Nizamnamə layihəsində qitə təşkilatı ilə milli olimpiya komitələri arasında əməkdaşlıq imkanlarının genişlənməsi, qurumun Beynəlxalq Olimpiya hərəkatında iştirakının daha operativ təmin olunması və bir sıra başqa məsələlərlə bağlı yeni maddələr əksini tapmışıdır.
İclasda Turin - 2006, Pekin - 2008, Vankuver - 2010, London - 2012 Olimpiya oyunları ilə bağlı hesabatlar müzakirə olunacaqdır. Eyni zamanda 2014-cü ildə Qış Olimpiya oyunlarına namizədliyi irəli sürülmüş şəhərlərin - Soçi (Rusiya), Zalsburq (Avstriya), Pyenqçonq (Koreya), təqdimatları keçiriləcəkdir.
Bölmənin digər xəbərləri
