Çinin üç əyalətində tətbiq olunan bəzi məhdudiyyətlər aradan qaldırılıb
Bakı, 12 iyun, AZƏRTAC
Qida Təhlükəsizliyi Agentliyi Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Çin Xalq Respublikasının Chongqing əyalətində dabaq, Hunan və Siçuan əyalətlərində isə qeydə alınmış yüksək patogen quş qripi xəstəliyi aradan qaldırılıb.
Həmin əyalətlərdə WOAH-nin “Quruda yaşayan heyvanların sağlamlıq Məcəlləsi”nə əsasən, xəstəliyin ləğv edilməsindən sonra gözləmə müddəti başa çatıb və epizootik sağlamlıq statusu bərpa olunub.
Bununla əlaqədar olaraq Azərbaycan ərazisinin yoluxucu xəstəliklərdən qorunması məqsədilə həmin əyalətlərə tətbiq edilmiş məhdudiyyətlər aradan qaldırılıb. Eyni zamanda, müvafiq tədbirlərin görülməsi üçün Dövlət Gömrük Komitəsinə müraciət edilib.
Bölmənin digər xəbərləri
