Çövkən oyunu üzrə dördüncü Azərbaycan çempionatının dörddəbir finalçıları müəyyənləşib
Bakı, 19 oktyabr, AZƏRTAC
Azərbaycan Respublikası Atçılıq Federasiyasının təşkilatçılığı ilə Binə Atçılıq Mərkəzinin qapalı manejində keçirilən çövkən atüstü milli oyunu üzrə dördüncü Azərbaycan çempionatının dörddəbir final mərhələsinin iştirakçıları müəyyənləşib.
AZƏRTAC xəbər verir ki, çempionatın oktyabrın 21-də keçiriləcək dörddəbir final mərhələsində “Ağcabədi” - “Sərhədçi”, “Laçın” - “Ağstafa”, “Köhlən” - “Qarabağ” (Ağdam) və “Polad” - “Şəki” görüşləri keçiriləcək.
Oktyabrın 22-də yarışın yarımfinal görüşləri, iki gün sonra isə final oyunu təşkil olunacaq.
Ümumi mükafat fondu 50 min manat olan Azərbaycan çempionatının keçirilməsində məqsəd ölkənin qədim atüstü milli oyunlarının kütləviliyinin artırılması, atçılıq idmanının və milli atçılığın inkişaf etdirilməsi, gənc nəslin təlim-tərbiyəsində milli ənənələrin və sağlam həyat tərzinin təbliğidir.
Bölmənin digər xəbərləri
