CNN: ABŞ-nin İrana qarşı zərbələri bir müddət davam edəcək
Bakı, 8 iyul, AZƏRTAC
ABŞ hərbi qüvvələrinin İrana qarşı hücumlarının bir müddət davam edəcəyi bildirilir.
AZƏRTAC xəbər verir ki, CNN telekanalı bunu ABŞ rəsmisinə istinadla yayıb.
Mənbənin sözlərinə görə, ABŞ-nin həyata keçirdiyi zərbələr “mütənasib cavab” deyil, “cəza tədbiri” xarakteri daşıyır. O qeyd edib ki, əməliyyatlar müəyyən müddət davam edəcək.
Xatırladaq ki, bundan əvvəl ABŞ Mərkəzi Komandanlığı İranın Hörmüz boğazında gəmilərə hücum etdiyi iddia edilən hadisələrə cavab olaraq İrana qarşı bir sıra zərbələr endirildiyini açıqlamışdı.
Bölmənin digər xəbərləri
