CNN: Yəhya Sinvarın ölümü Yaxın Şərqdə vəziyyəti dəyişməyəcək
Bakı, 18 oktyabr, AZƏRTAC
Fələstinin HƏMAS hərəkatının Siyasi Bürosunun rəhbəri Yəhya Sinvarın öldürülməsi Yaxın Şərqdəki vəziyyətə təsir etməyəcək və Qəzza sektorunda münaqişənin həllinə gətirib çıxarmayacaq.
AZƏRTAC xəbər verir ki, CNN telekompaniyasının məlumatına görə, liderlərin ölümü münaqişələrin nəticələrinə nadir hallarda təsir edir və HƏMAS liderinin öldürülməsi də regionda “faciəvi reallığı dəyişməyəcək”.
Eyni zamanda, Yəhya Sinvarın ölümündən sonra Vaşinqton Qəzzada müharibəyə son qoymaq üçün “indiyədək uğursuzluqla nəticələnən cəhdləri” yenidən bərpa edib. Birləşmiş Ştatlar uzun müddətdir ki, HƏMAS liderini Qəzzada atəşkəs üçün ciddi maneə kimi görürdü.
Qeyd edək ki, HƏMAS hərəkatının Siyasi Bürosunun rəhbəri Yəhya Sinvar oktyabrın 16-da Qəzza sektorunun cənubunda hərbi əməliyyat zamanı öldürülüb.
Bölmənin digər xəbərləri
