COĞRAFİYA İNSTİTUTU YUBİLEY TƏDBİRLƏRİ KEÇİRİR
AMEA-nın Həsən Əliyev adına Coğrafiya İnstitutunda Azərbaycan Elmlər Akademiyasının 60 illik yubileyinə həsr olunmuş bir sıra tədbirlərin həyata keçirilməsi nəzərdə tutulmuşdur. İnstitutun elmi işlər üzrə direktor müavini, AMEA-nın müxbir üzvü Ramiz Məmmədov AZƏRTAC-ın müxbirinə bildirmişdir ki, elmi institut Şəkidə “Təbiətin dağıdıcı təzahürləri və onlarla mübarizə vasitələri” mövzusunda regional elmi-praktik konfrans, habelə Elmi şuranın yubileyə həsr olunmuş iclasını keçirmiş, iki buklet hazırlamış, institutun direktorları və alimləri haqqında dövri mətbuatda bir sıra məqalələr dərc etdirmişdir.
Rusiyanın “Novosti geoqrafii” jurnalına Coğrafiya İnstitutuna həsr olunmuş məqalə təqdim edilmişdir, Azərbaycanın coğrafiyaçı alimləri barədə kitab nəşrə hazırlanır. “Novosti otdeleniya nauk o Zemle” jurnalında məqalələrin dərc edilməsi, “Düzənlik dağlıq ərazilərin inkişaf problemləri” mövzusunda elmi-praktik konfransın keçirilməsi nəzərdə tutulmuşdur.
Bölmənin digər xəbərləri
