Con Kirbi: ABŞ Konqresində Ukraynaya dəstək yüksək səviyyədə qalır
Bakı, 18 sentyabr, AZƏRTAC
ABŞ Konqresinin hər iki palatası Ukraynaya yardımın davam etdirilməsinə tərəfdardır.
AZƏRTAC xəbər verir ki, bu fikri Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Böyük Britaniyanın “The Daily Telegraph” qəzetinə müsahibəsində səsləndirib.
Onun sözlərinə görə, Prezident Cozef Bayden Konqresin hər iki palatasının liderlərindən alınan dəstəyin yüksək olaraq qaldığına əmindir. Nümayəndələr palatasında respublikaçıların çox səs-küylü sağçı qanadından yalnız kiçik bir qrup Kiyevə yardım üçün əlavə vəsait ayrılmasına qarşı çıxır. “Biz Nümayəndələr palatasında daha çox respublikaçının Ukraynaya gələcək xərcləri və yardımı tənqid etdiyini gördük. Bununla belə, Konqresdə Ukraynaya dəstək çox yüksək olaraq qalır. Təkcə hər iki palatanın deyil, həm də hər iki partiyanın nöqteyi-nəzərindən”, - deyə Kirbi qeyd edib.
Bundan əvvəl “The Hill” nəşri yazmışdı ki, ABŞ Konqresinin nümayəndələr palatasındakı respublikaçılar Vaşinqton administrasiyasının Ukraynaya hərbi yardım üçün əlavə vəsait ayırmaq xahişinin təsdiqlənməsinin zəruriliyinə böyük şübhə ilə yanaşdıqlarını bildirirlər.
Bölmənin digər xəbərləri
