COVID-19: “Amazon” şirkəti Fransadakı fəaliyyətini müvəqqəti dayandırıb
Paris, 16 aprel, AZƏRTAC
Nanterre məhkəməsinin qərarından sonra “Amazon” şirkəti Fransadakı yayım mərkəzlərini 5 günlük bağlayıb.
AZƏRTAC xəbər verir ki, “Amazon” əməkdaşlarının təhlükəsiziliyini lazımı səviyyədə qorumamaqda günahlandırılır.
Məhkəmənin qərarına əsasən “Amazon” şirkəti 24 saat müddətində müvəqqəti olaraq satışını məhdudlaşdırmalı və yalnız zəruri məhsulların satışını təmin etməlidir. Məhkəmə qərarının yerinə yetirilməsinin hər gecikmə gününə və hər pozuntusuna görə şirkət bir milyon cərimə ödəməlidir. Bu qərardan apellyasiya şikayəti verməyə hazırlaşan “Amazon” göstərilən riskin qiymətləndirilməsi məqsədilə aprelin 15-də Fransadakı anbarlarını müvəqqəti bağlayıb.
Qeyd edək ki, şirkətdə insanlar arasında 2 metr məsafə qaydasına riayət olunsa da, bəzi işçilərdə COVID-19 virusu aşkarlanıb və hətta onlardan reanimasiya şöbələrinə yerləşdirilənlər də var.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
