Cüdoçularımız açıq Avropa turnirinin yarımfinalına vəsiqə qazanıblar
Bakı, 2 iyul, AZƏRTAC
Rumıniyanın Kluj-Napoka şəhərində cüdo üzrə böyüklər arasında açıq Avropa turniri davam edir.
AZƏRTAC xəbər verir ki, yarışın birinci günündə mübarizə aparan cüdoçularımızdan Nazir Talıbov (60 kq), Tofiq Məmmədov, Elçin Hüseynov (66 kq), Nəriman Mirzəyev, Telman Vəliyev (73 kq) bütün rəqiblərini məğlub edərək yarımfinala vəsiqə qazanıblar.
Açıq Avropa turnirində 33 ölkədən 62 qadın və 150 kişi cüdoçu iştirak edir.
Bölmənin digər xəbərləri
