DAHA İKİ OĞURLUQ HADİSƏSİNİN ÜSTÜ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Binəqədi Rayon Polis İdarəsinin əməkdaşlarının keçirdiyi əməliyyat nəticəsində Əhəd Qədirov narkotik vasitə ilə tutulmuşdur. Aparılan araşdırma zamanı məlum olmuşdur ki, Ə.Qədirov cari ilin iyun və iyul aylarında Sulutəpə qəsəbəsinin sakini Sahib Abdullazadəyə məxsus “Mersedes-190” markalı avtomaşından şəxsi sənədləri və 1 ədəd mobil telefon, Əzimə Kazımovanın evindən videomaqnitofon oğurlamışdır. Həmçinin onun Abşeron rayon sakini Ramin Atakişiyevin etimadını qazanaraq qızıl üzüyünü alması da aşkarlanmışdır.
Bundan başqa, Mingəçevir şəhərində Telman İmanova məxsus mağazadan oğurluq edərkən, Bərdə rayon sakini Anar Bayramov şəhər polis şöbəsinin əməkdaşları tərəfindən tutulmuşdur.
Hər iki faktla bağlı cinayət işi açılmışdır.
Bölmənin digər xəbərləri
