DAHİ BƏSTƏKARIMIZIN AVSTRİYADA ABİDƏSİ AÇILACAQDIR

27.05.2006 [12:24]
Çap et
A⁺ A^-

AZƏRTAC xəbər verir ki, dahi bəstəkarımız Üzeyir Hacıbəyovun anadan olmasının 120 illik yubileyi Avstriyada da qeyd olunacaqdır. Mayın 31-də burada bəstəkarın adını daşıyan küçədə onun abidəsinin açılış mərasimi keçiriləcəkdir. Abidə iki ölkə arasında mədəni əməkdaşlığın nəticəsi kimi, Avstriya-Azərbaycan Dostluq Cəmiyyətinin təşəbbüsü ilə ucaldılmışdır.

Mədəniyyət və Turizm Nazirliyinin mətbuat xidmətindən bildirmişlər ki, abidənin açılış mərasiminə nazir Əbülfəs Qarayevin başçılığı ilə geniş tərkibdə nümayəndə heyəti yollanacaqdır.

Abidənin açılışından sonra nümayəndə heyətinin tərkibinə qatılmış sənətçilərimiz geniş konsert proqramı ilə çıxış edəcəklər. Konsertdə, əsasən, Üzeyir Hacıbəyovun əsərləri səsləndiriləcəkdir. Bundan əlavə, böyük bəstəkarın nota saldığı muğamlar, yazdığı rəqslər Uşaq Filarmoniyasının yetirmələri tərəfindən ifa olunacaqdır.

DAHİ BƏSTƏKARIMIZIN AVSTRİYADA ABİDƏSİ AÇILACAQDIR

MÜƏLLİFLƏ ƏLAQƏ

Bölmənin digər xəbərləri