DAN BRAUNUN İKİNCİ ROMANI EKRANLAŞDIRILIR

25.05.2006 [14:52]
Çap et
A⁺ A^-

AZƏRTAC-ın xüsusi müxbiri Frans Press Agentliyinə istinadla xəbər verir ki, amerikan yazıçısı Dan Braunun romanı əsasında ekran üzü görmüş “Da Vinçi kodu” filminin nümayişi böyük əks-səda doğurmuşdur. Tamaşaçıların böyük maraqla qarşıladığı film din xadimlərinin, xüsusilə Roma papasının kəskin etirazına səbəb olmuş və onun bir çox ölkələrdə nümayiş etdirilməsinə qadağa qoyulmuşdur.

Filmə hücumlara baxmayaraq, “Sony” studiyası ssenarist Akiva Qoldstmana Dan Braunun başqa bir əsəri - “Mələklər və şeytanlar” əsəri əsasında ssenari yazmağı sifariş vermişdir.

Ekranlara buraxıldığı beş gün ərzində 231 milyon dollar qazanc gətirmiş “Da Vinçi kodu” filminin rejissoru Ron Hovard “Mələklər və şeytanlar” əsərinə rejissorluq etməyə razılıq vermişdir.

Xatırladaq ki, yazıçının ikinci romanı olan “Mələklər və şeytanlar” əsəri 1998-ci ildə işıq üzü görmüşdür.