Daniel Rikkardo 2023-cü ildə üç yürüş üçün Qran-Priyə qayıdacaq
Bakı, 10 iyun, AZƏRTAC
Daniel Rikkardo 2023-cü ildə “Red Bull” komandasının ehtiyat pilotu olaraq çempion kollektivinin tərkibinə qayıtdı, lakin cari mövsümdə üç Qran-Prinin birbaşa iştirakçısı olacaq.
AZƏRTAC xəbər verir ki, söhbət bolidin kabinasına qayıdışdan getmir, avstraliyalı pilot ESPN2 kanalında yeni “The Grandstand with Daniel Ricciardo and Will Arnett” şounun aparıcısı olacaq. Yürüşçü aktyor və komik Vill Arnett ilə “Kanada Qran-Pri”si, “ABŞ Qran-Pri”si və “Las-Veqas Qran-Pri”sində şou aparacaq.
“Bu çox maraqlı olacaq! Gözlənildiyi kimi, biz Vill ilə şouda əylənəcəyik, lakin ümid edirik ki, siz sadəcə olaraq dostlarınızla “Formula 1”ə baxırsınız. Bizim çox gözəl qonaqlarımız, gülüş anlarımız olacaq, şanslı olsaq, azarkeşləri çox sevdiyim idmana bir addım daha yaxınlaşdıracağıq. Amerika, kəmərləri bağla!”, — deyə Daniel Rikkardo bildirib.
Qeyd olunub ki, şou çərçivəsində aparıcılar qonaqları ilə birlikdə həftə sonu çərçivəsində trasdakı hadisələri müzakirə edəcəklər. Yürüşçünün xarakterini və onun həmaparıcısının ampluasını nəzərə alaraq, layihə bu verilişlər seriyasından ən gülməli şoulardan biri olmalıdır.
Bölmənin digər xəbərləri
