Daşgil Palçıq Vulkanı ərazisində keçirilən iməcilik zamanı 500 kiloqramdan çox plastik tullantı toplanıb
Bakı, 28 may, AZƏRTAC
Ekologiya və Təbii Sərvətlər Nazirliyinin könüllü gəncləri və Palçıq Vulkanları Qrupu Dövlət Təbiət Qoruğu əməkdaşlarının iştirakı ilə Daşgil Palçıq Vulkanı ərazisində iməcilik keçirilib.
Nazirliyin mətbuat xidmətindən AZƏRTAC-a verilən məlumata əsasən, iməcilikdə palçıq vulkanının ərazisi müxtəlif növ tullantılardan təmizlənib, 500 kiloqramdan çox plastik tullantı isə toplanaraq Qaradağ Mənzil Kommunal Təsərrüfat Birliyinin Sanitar Təmizlik İdarəsinə təhvil verilib.
Nazirlik vətəndaşları Daşgil Palçıq Vulkanı ərazisini tullantılarla çirkləndirməməyə çağırıb.
Qeyd edək ki, Daşgil Palçıq Vulkanı nazirliyin Palçıq Vulkanları Qrupu Dövlət Təbiət Qoruğu siyahısına daxil deyil və ərazi nəzarət altında olmadığı üçün müxtəlif növ tullantılarla çirklənməyə məruz qalır.
Bölmənin digər xəbərləri
