DAŞKƏNDDƏ “BÖYÜK İPƏK YOLU İLƏ TURİZM” YARMARKASI KEÇİRİLMİŞDİR
Yarmarkada dünyanın 20-dən artıq ölkəsindən 120-dən çox firma və agentlik iştirak etmişdir. Ölkəmizi tədbirdə Azərbaycan Mədəniyyət və Turizm Nazirliyinin nümayəndəsi Səbinə Kərimova təmsil edirdi.
Yarmarkada Azərbaycanın görməli yerlərini əks etdirən reklam-çap məhsulları və stendlər nümayiş etdirilmişdir.
Səbinə Kərimova AZƏRTAC-ın müxbiri ilə söhbətində demişdir ki, yarmarkaya gələnlər ölkəmizin turizm marşrutlarına böyük maraq göstərmişlər. Bir sıra şirkətlərin nümayəndələri ilə danışıqlarımız olmuşdur və əminəm ki, birgə işimiz öz bəhrəsini verəcəkdir.
Bölmənin digər xəbərləri
