DÇ-2024: Azərbaycan millisi seçmə mərhələdə qrup lideri ilə qarşılaşacaq

Bakı, 6 oktyabr, AZƏRTAC

Futzal üzrə Azərbaycan milli komandası DÇ-2024-ün elit-raund mərhələsində bu gün növbəti oyununu keçirəcək.

AZƏRTAC xəbər verir ki, Vitali Borisovun baş məşqçi olduğu kollektiv Bakıda qrup lideri Qazaxıstan yığması ilə qarşılaşacaq.

Bakı İdman Sarayında baş tutacaq görüş saat 20:00-da start götürəcək və “CBC Sport” telekanalı vasitəsilə canlı yayımlanacaq.

Matçı Finlandiyadan olan hakimlər briqadası idarə edəcək.

DÇ-2024, elit-raund

6 oktyabr

20:00. Azərbaycan - Qazaxıstan

Hakimlər: Kirill Nayşouler, Arttu Kaynaraynen, Paavo Komppa

Qeyd edək ki, ilk iki turdan sonra Azərbaycan millisi 3 xalla üçüncü pillədə qərarlaşıb.

MÜƏLLİFLƏ ƏLAQƏ