Dəməşqdə 22-ci “BUILDEX” beynəlxalq tikinti sərgisi keçiriləcək
Qahirə, 25 may, AZƏRTAC
Mayın 27-dən 31-dək Suriyanın paytaxtı Dəməşq şəhərində 22-ci “BUILDEX” beynəlxalq tikinti sərgisi keçiriləcək.
AZƏRTAC Suriyanın SANA agentliyinə istinadla xəbər verir ki, sərgidə, ümumilikdə 740 yerli və beynəlxalq şirkət iştirak edəcək. Belə ki, Türkiyədən 112, İordaniyadan 28, Səudiyyə Ərəbistanından 20 və Çindən 10 şirkət sərgidə öz məhsullarını təqdim edəcək.
Bundan əlavə, sərgidə tikinti materialları, daş və mərmər, boyalar və izolyasiya materialları, havalandırma və kondisioner avadanlıqları, borular, liftlər və əl alətləri, keramika, qarışdırıcılar və sanitar ləvazimatlar, alüminium və şüşə, alternativ enerji, su texnologiyaları, ev, ofis və hotel mebeli, daşınmaz əmlak, yükdaşıma, banklar, təhlükəsizlik və mühafizə sistemləri, elektrik və işıqlandırma sahələrində fəaliyyət göstərən 490 yerli şirkət də iştirak edəcək.
Sərgi çərçivəsində 15 mühazirə və seminar keçiriləcək.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
