Demokrat konqresmen Trampa qarşı impiçment qətnaməsini təqdim edib
Bakı, 29 aprel, AZƏRTAC
Demokratlar partiyasından olan konqresmen Şri Tanedar, ABŞ Prezidenti Donald Trampa qarşı yeddi maddə üzrə impiçment qətnaməsi təqdim edib.
AZƏRTAC xəbər verir ki, “Axios” portalının məlumatına görə, bu, cari ildə Nümayəndələr Palatasındakı demokrat-qanunvericinin prezidentə və ya onun administrasiyasının üzvünə qarşı impiçment üçün ilk cəhdidir. Bununla belə, Konqresə respublikaçılar tərəfindən nəzarət edildiyi nəzərə alınsa, Şri Tanedarın buna nail olacağı ehtimalı azdır.
İmpiçment üçün sadalanan maddələrə ədalət məhkəməsinə maneə törətmək, beynəlxalq təcavüz, qanunsuz agentliklərin yaradılması (sahibkar İlon Maskın rəhbərlik etdiyi ABŞ Hökumətin Səmərəliliyi Departamentinə işarə edilir), korrupsiya və hakimiyyətdən tiranik sui-istifadə daxildir.
Qeyd edək ki, bir müddət öncə Donald Tramp “Time” jurnalına müsahibəsində prezident səlahiyyətlərini genişləndirməyə çalışmadığını və onları yalnız konstitusiya çərçivəsində həyata keçirdiyini bildirib. Dövlət başçısının sözlərinə görə, o, hakimiyyətinin ilk 100 günü ərzində xarici ticarət sahəsində nəzərəçarpacaq nəticələrə nail olub.
Bölmənin digər xəbərləri
