Deputat: “Qarabağ”ın qalibiyyəti regionu qarışdırmaq istəyənlərə yaşıl meydanda verilən cavabdır
Bakı, 23 fevral, AZƏRTAC
Xocalı qurbanlarının ruhu artıq şaddır. Çünki Xankəndidə bayrağımızın dalğalanması ilə yeni dövrün təməli qoyuldu.
AZƏRTAC xəbər verir ki, bunu Milli Məclisin deputatı Musa Qasımlı parlamentin fevralın 23-də keçirilən iclasında deyib.
O çıxışında, həmçinin Xocalı şəhərində soyqırımı qurbanlarının xatirəsinə abidə ucaldılmasını təklif edib.
Deputat, eyni zamanda, dünən “Qarabağ” futbol klubunun qalib gəlməsinə də münasibət bildirib. Qeyd edib ki, bu qalibiyyət sadəcə idmanda əldə edilən qələbə deyil. Bu qələbə həm də regionu qarışdırmaq istəyənlərə yaşıl meydanda verilən cavabdır.
Bölmənin digər xəbərləri
