DİM əvvəlki illərin məzunları üçün sorğu elan edib
Bakı, 30 aprel, AZƏRTAC
Dövlət İmtahan Mərkəzi (DİM) əvvəlki illərin məzunları üçün aprelin 19-da keçirilmiş ali təhsil müəssisələrinə qəbul imtahanının birinci mərhələsində iştirak edən abituriyentlərin imtahan təcrübəsinin öyrənilməsi məqsədilə onlayn sorğu keçirir.
DİM-dən AZƏRTAC-a bildirilib ki, sorğunun keçirilməsində əsas məqsəd imtahan prosesi ilə bağlı iştirakçıların fikirlərini öyrənmək və ümumi məmnunluq səviyyəsini qiymətləndirməkdir. Əldə olunacaq nəticələr imtahanların təşkilinin daha da təkmilləşdirilməsi istiqamətində istifadə olunacaq.
Sorğuda aprelin 19-da imtahan verən əvvəlki illərin abituriyentləri iştirak edə bilərlər.
Bölmənin digər xəbərləri
