DİNARA GİMATOVA 9-CU YERİ TUTMUŞDUR

11.09.2006 [17:39]
Çap et
A⁺ A^-

Azərbaycan gimnastı Dinara Gimatova Portuqaliyanın Portiman şəhərində keçirilən Dünya kuboku mərhələsində 9-cu yeri tutmuşdur. Azərbaycan Gimnastika Federasiyasından AZƏRTAC-ın müxbirinə bildirmişlər ki, D.Gimatova gürzlə çıxışına görə ən yüksək – 15,917 bal toplayaraq, bu nəticəni əldə etmişdir. Gimnastımız cəmi 60,884 bal toplamış, çoxnövçülükdə 12-ci yerə çıxaraq, Moskvada keçiriləcək Avropa çempionatı iştirakçılarının əksəriyyətini geridə qoymuşdur. Çoxnövçülükdə və finalda isə ukraynalı Nataliya Qodunko, belaruslu İnna Jukova və rusiyalı Yevgeniya Kanayeva qalib gəlmişlər.

Yığmamızın digər iki üzvü - Aliyə Qarayeva və Anna Qurbanova Avropa çempionatı ərəfəsində Moskva ətrafındakı Novoqorskda məşqləri davam etdirirlər. Gənclərdən ibarət komandamızın üzvləri Zeynəb Cavadlı və Leyla Şamilova da oradadırlar. Vəfa Hüseynova, Anna Bitiyeva, Valeriya Yeqay, Alina Tryopina, Anastasiya Prasolova və Sabina Alxazovadan ibarət qrup hərəkətlərini yerinə yetirən komandamız isə Bakıda məşq edir.

Azərbaycan gimnastı Teymur Şahlamazov dünya çempionatına hazırlaşır. O, milli yığmamızın digər üzvü Şakir Şıxəliyevlə birlikdə sentyabrın 21-25-də İstanbulda keçiriləcək beynəlxalq “Bosfor kuboku”nda iştirak edəcəkdir.

DİNARA GİMATOVA 9-CU YERİ TUTMUŞDUR

MÜƏLLİFLƏ ƏLAQƏ

Bölmənin digər xəbərləri