DİNİ KARİKATURA DƏRC EDƏN VOLQOQRAD QƏZETİ BAĞLANDI
Şəhərin vitse-meri Andrey Doronin fevralın 17-də mətbuat konfransında demişdir: “Biz bu məqaləni diqqətlə müzakirə etdik və millətlərarası ədavət yaranmaması üçün qəzeti bağladıq”. O bildirmişdir ki, qəzetin artıq başlanmış olan ləğv edilməsi prosesi bir ay çəkəcəkdir. Şəhər hakimiyyətinin tezliklə başqa adla və başqa redaktorla yeni rəsmi mətbu orqanı olacaqdır.
Xatırladaq ki, “Qorodskiye vesti”nin verdiyi karikaturada İsa, Moisey, Budda və Məhəmməd təsvir edilmişdir. Onlar televizora baxırlar. Ekranda əlbəyaxa olmağa hazırlaşan iki qrup adam görünür. Şəklin altında yazılmışdır: “Axı, biz sizə belə şey öyrətməmişdik”.
Eyni zamanda məlum olmuşdur ki, Volqoqrad prokurorluğu şəhərin daha bir qəzeti – Danimarka mətbuatından 12 karikatura götürüb dərc edən “Naş region +” nəşri barədə yoxlamaya başlamışdır. Qubernator Vyaçeslav Pozqalev yoxlamanın nəticələrini gözləməyərək, karikaturaların dərcinə görə “təkcə vilayətdə deyil, həm də bütün Rusiyada yaşayan müsəlmanlardan” üzr istəmişdir.
Bölmənin digər xəbərləri
